Avokati i ish kryeministrit Sali Berisha, Genc Gjokutaj ka folur për mediat, duke theksuar se edhe ditën e sotme kanë kërkuar përjashtimin e gjyqtares Irena Gjoka.
Gjokutaj tha se seanca është shtyrë për në orën 15:00, për të shqyrtuar kërkesën e tyre. Kjo është hera e dytë kur avokatët bëjnë kërkesë për përjashtimin e gjyqtares.
Sipas avokatëve gjyqtarja nuk ka zbardhur vendimin dhe ka konflikt interesi pasi Irena Gjoka është shkarkuar nga Berisha në 96 kur ka qenë kryetar i KLD-së.
“Bëmë një kërkesë për përjashtimin e Irena Gjokës, u ndërpre seanca për të shqyrtuar kërkesën. E kemi shtjelluar ne kërkesën se çfarë kërkojmë. Gjoka ka detyrë të heqë dorë, por ajo nuk e bëri. Gjykata nuk ka zbardhur vendimin, ky është argumenti pse ne kërkojmë përjashtimin e Irena Gjokës”, tha Gjokutaj.
VAZHDO TË LEXOSH MË TEPËR PËR TEMËN
Aishe Haklaj 12 orë në SPAK, avokati: Shtëpia ku qëndroi u ruajt nga policia
