Ndonëse deklaron se nuk po përdor PD për përballjen me drejtësinë, Berisha duket se sot ka dalë hapur. Zyra e shtypit e Rithemelimit ka sulmuar përmes një deklarate gjyqtaren Irena Gjoka. Kjo e fundit duket e vendosur përballë Berishës dhe duket se tani po përdoret edhe partia për sulme.
Njoftimi i plotë
Prej disa javësh gjyqtarja Irena Gjoka mban pezull vëmendjen publike me disa qendrime që nuk i bëjnë nder gjyqësorit dhe as figurës së gjyqtarit.
E denoncuar nga avokati Genc Gjokutaj dhe të tjerë se është shkarkuar nga ish- Presidenti Sali Berisha në vitin 1996 kur mbante detyrën e Kryetarit të Këshillit të Lartë të Drejtësisë, ajo hesht si fija e barit.
Opinioni publik kërkon të informohet mbi këtë fakt dhe mbi të gjitha, nëse kjo e vendos gjyqtaren Gjoka në pamundësinë për të drejtuar procesin ndaj Kryetarit të opozitës shqiptare, për shkak të konfliktit të interesit.
Por këto pyetje nuk mbeten me kaq:
A është identifikuar dhe trajtuar shkarkimi gjatë procesit të vetingut të gjyqtares?
Nese jo, pse ka ndodhur kjo përzgjedhje selektive?
A ka qënë korrupsioni arsyeja e shkarkimit?
Në cilën datë ka ndodhur shkarkimi?
A ka patur të tjerë të shkarkuar me të njejtën akuzë dhe cilët janë?
A do të plotësoheshin kriteret e vlerësimit profesional në rast të një shkarkimi për arsye korrupsioni? Me pak fjalë, a do të ishte sot ajo duke ushtruar pozicionin e gjyqtares nëse ky shkarkim do të ishte bërë publik?
Pse nuk u terhoq ajo që në fillim kur mbrojtja e z. Berisha ia dha kete mundesi?
Firmosur nga ish Kryetari i KLD-së , fshehja e vendimit të shkarkimit për arsye korrupsioni nga gjyqtarja Gjoka dhe marrja përsipër e gjykimit ndaj Kryetarit të opozitës, e vendosin atë qartazi në pozitat e konfliktit të interesit. Një konflikt interesi i cili dëshmon karakterin politik të këtij gjyqi dhe që nxjerr në pah arsyet e vërteta pas vendimmarrjeve antikushtetuese e antiligjore të gjyqtares Gjoka.
Ngulmimi i gjyqtares për të mos u tërhequr shpjegon garancitë që ka marrë nga porositësit e ‘gjahut të shtrigave’, procesit politik kundër Sali Berishës dhe Jamarbër Malltezit.
Kur faktet të shpalosen publikisht, gjyqtarja e korruptuar që ka korruptuar edhe sistemin duke fshehur dënimin, do të përballet jo vetëm me të vërtetën, por edhe me ata që e kanë mbrojtur politikisht.
E vërteta mund të kamuflohet, por në fund ajo triumfon.
VAZHDO TË LEXOSH MË TEPËR PËR TEMËN
Avokati i Berishës: Kërkuam përjashtimin e gjyqtares Irena Gjoka, nuk ka zbardhur vendimin
Berisha tregon arsyen pse kërkon largimin e gjyqtares Irena Gjoka
‘Partizani’/ Berisha kallëzon në SPAK gjyqtaren Irena Gjoka
