Partitë opozitare pro-evropiane të Polonisë kanë arritur një marrëveshje për një koalicion, tha dje kandidati i tyre për kryeministër Donald Tusk, duke i sjellë ato një hap më pranë marrjes së pushtetit pasi ata së bashku fituan shumicën në zgjedhjet e 15 tetorit.
Aleanca pro-evropiane përfshin parti që ndryshojnë në çështjet që variojnë nga shpenzimet publike te aborti.
Por udhëheqësit e tyre thonë se janë të bashkuar në dëshirën e tyre për të përmirësuar marrëdhëniet me Brukselin dhe për të zhbllokuar fondet për Poloninë që janë ngrirë për shkak të një mosmarrëveshjeje për sundimin e ligjit me BE-në.
“Ne jemi të gatshëm të marrim përgjegjësinë për Poloninë në vitet e ardhshme”, tha Tusk në një konferencë për shtyp. Në dokument, palët bënë një sërë premtimesh, duke përfshirë rivendosjen e transparencës së financave publike dhe depolitizimin e kompanive shtetërore.
Gjithashtu thuhet se koalicioni do të rrëzojë vendimin e Gjykatës Kushtetuese të vitit 2020, i cili rezultoi në ndalimin pothuajse të plotë të abortit, një çështje e ndjeshme në një aleancë që përfshin si social-konservatorët katolikë ashtu edhe të majtët.
Sipas marrëveshjes, Kosiniak-Kamysz do të jetë zëvendëskryeministër, si dhe Krzystof Gawkowski nga e majta e re. Rolin e Kryetarit të Parlamentit do ta ndajnë Szymon Holownia nga Rruga e Tretë dhe Wlodzimierz Czarzasty nga e Majta e Re dhe secili do ta mbajë këtë rol për dy vjet.
Presidenti Andrzej Duda i dha partisë nacionaliste në pushtet Pravo i Pravda (PiS) shansin e parë për të formuar një qeveri.
Por PiS-it i mungon shumica. Nëse kryeministri Mateusz Morawiecki nuk arrin të fitojë besimin, parlamenti do të duhet të emërojë një qeveri tjetër.
VAZHDO TË LEXOSH MË TEPËR PËR TEMËN
Budapesti ende po dridhet nga shuplaka e Varshavës
