Avokatet e Jamarbër Malltezit kanë ankimuar në Gjykatën e Posçme të Apelit vendimin për sekuestron e pronave. Avokatët pretendojnë se pronat e sekuestruara janë nga burime të ligjshme.
Kujtojmë se pak ditë më parë avokatët ankimuan edhe masën “Arrest me burg” duke kërkuar revokimin e saj.
Malltezi u arrestua në Rinas më 21 tetor. Arrestimi u bë me urdhër të SPAK, pas kallëzimit të bërë në vitin 2020 nga ministri i Brendshëm Taulant Balla lidhur me privatizimin e ish klubit sportiv “Partizani”.
Malltezi akuzohet nga Prokuroria e Posaçme për “Korrupsion pasiv” dhe “Pastrim parash” në lidhje me privatizimin e ish-kompleksit sportiv.
Për të njëjtën çështje GJKKO ka caktuar masat e sigurisë “Detyrim paraqitje” dhe për Sali Berishën dhe sipërmarrësin Fatmir Bektashi.
Ish-kryeministrit i është ndaluar dalja jashtë shtetit dhe mbi të është ngritur akuza e korrupsionit pasiv kryer në bashkëpunim.
VAZHDO TË LEXOSH MË TEPËR PËR TEMËN
Argita Malltezi: SPAK dhe GJKKO, kamxhik politik në duart e Ramës
