06.11.2023 - 13:20
Një i moshuar nga Durrësi i cili u sulmua disa ditë më parë nga dy qen pitbull ka humbur jetën mëngjesin e sotëm në spital. Sipas burimeve mediatike raportohet se 84-vjeçari Halil Basha kishte marrë plagë të shumta në trup dhe veçanërisht në kokë.
Ngjajra ka ndodhur në lagjen 13 në Durrës ditën e enjte. Nga ana tjetër është shoqëruar në polici nën akuzë për veprën penale “Braktisja e kafshës së shoqërimit” , edhe Armand Lala 44 vjeç i cili rezulton të jetë i zoti i pitbullëve. Sipas dëshmisë së tij mësohet se qeni ka ndal nga kontrolli duke sulmuar të moshuarin në mënyrë të papritur.
