Helmohet nga kërpudhat 41-vjeçarja, përfundon në spital

Një 41-vjeçare nga Devolli ka përfunduar në gjendje të rëndë në spital pasi është helmuar nga kërpudhat. Burime për mediat bëjnë me dije se ngjarja ka ndodhur rreth orës 23:00 të mbrëmjes së djeshme, ku gruaja, identiteti i të cilës ende nuk dihet ka shkuar në spitalin e Bilishtit pasi është helmuar pas konsumimit të kërpudhave.

Për shkak të gjendjes së rënduar 41-vjeçarja u dërgua në spitalin e Korçës ku dhe është shtruar në reanimacion dhe ndodhet në gjendje të rëndë.

Familjarët kanë deklaruar para uniformave blu të Devollit se gruaja ka ngrënë kërpudha, gjithashtu dhe mjekët bënë me dije se ajo është helmuar. Policia po kryen veprimet për zbardhjen e rrethanave, pasi nuk dihet se ku i ka konsumuar kërpudhat kjo shtetase.