Gjykata e Durrësit ka caktuar masën “Detyrim paraqitje” për 8 të arrestuarit në konfliktin e ndodhur të dielën në “Kepin e Rodonit” në Durrës, përfshirë dhe ish-deputetin Mark Frroku.
Arrest me burg në mungesë u dha vetëm për shtetasin Besnik Toma, kushëririn e ish-deputetit Frroku, i cili dyshohet se është personi që qëlloi në ajër me armë zjarri.
Konflikti ndodhi mes përfaqësuesve të kishës dhe banorëve të zonës në lidhje me një pronë mbi të cilën të dyja palët zotërojnë certifikatë pronësie.
Si përfaqësues të kishës, u arrestuan shtetasit Mark Frroku, Antonio Lazari, Pal Doda dhe Martin Lazeri.
Nga pala tjetër u arrestuan shtetasit Bajram Kaculi, Erjon Reka, Orgito Reka, Ylli Reka.
Ndërkohë në gjëndje të lirë është proceduar shtetasi Ndue Sokoli për veprën penale “Moskallzimi i krimit”.
Mark Frroku dhe përfaqësuesit e kishës akuzohen për veprat penale “Kanosja”, “Moskallzimi i krimit”, “Veprime që pengojnë zbulimin e së vërtetës” dhe “Prishja e rendit dhe qetësisë publike.
Ndërkohë të arrestuarit nga pala tjetër akuzohen për veprat penale “Plagosja e rëndë me dashje” dhe “ Vetëgjyqësia”.
VAZHDO TË LEXOSH MË TEPËR PËR TEMËN
Konflikti te ‘Kepi i Rodonit’ ku u përfshi dhe Mark Frroku
Konflikti te Kepi i Rodonit, reagon Provinca Françeskane: Tokën e kemi ne
Arrestimi i Mark Frrokut/ Sherri mes banorëve dhe përfaqësuesve të Kishës Katolike te ‘Kepi i Rodonit’
