Komisioni Evropian publikoi sot progres raportin për secili shtet të përfshirë në paketën e zgjerimit, ndër to, edhe për Shqipërinë.
Midis shumë çështjeve që trajtohen në këtë raport, mediat greke kanë zgjedhur të veçojnë një fragment, në të cilin përmendet edhe çështja e kryebashkiakut të zgjedhur të Himarës i cili ndodhet ende në paraburgim për shkak të akuzave për blerje votash në zgjedhjet lokale të 14 Majit.
“Progres-raporti i Komisionit Evropian për Shqipërinë, një shpresë në BE, nxjerr në pah rastin e Fredi Belerit, një çështje që vazhdon të shkaktojë tensione mes Athinës dhe Tiranës. Beleri ndodhet në paraburgim që prej muajit maj, duke u përballur me akuza për blerje votash, pas zgjedhjes së tij si kryetar i qytetit të Himarës me shumicë etnike greke në jug të Shqipërisë”, e nis lajmin e saj e përditshmja Ekathimerini.
Ndërsa raporti, i cili u publikua të mërkurën, pranon gjendjen e përgjithshme pozitive të marrëdhënieve dypalëshe me Greqinë, ai vë në dukje se të drejtat pronësore të minoritetit grek në Shqipëri mbeten një pikë diskutimi në këto marrëdhënie.
“Paraburgimi i një kryebashkiaku të zgjedhur etnik grek, i cili u arrestua në prag të zgjedhjeve lokale dhe gjykimi i të cilit filloi më 14 shtator me akuzën për blerje votash, ka qenë burim tensionesh dypalëshe dhe ngre shqetësime serioze. thuhet në raport duke iu referuar Belerit.
“Kërkesat e tij për t’iu dhënë leje të posaçme për të bërë betimin janë rrëzuar dhe Gjykata e Lartë pritet të shqyrtojë caktimin e ankimit përkatës në gjykatë. Gjykata Kushtetuese pranoi në tetor të prononcohej për kushtetutshmërinë e procedurës penale gjyqësore pas arrestimit të tij”, thuhet në raport.
Në shkrim, theksohet se “është e rëndësishme të theksohet se këto komente gjenden në seksionin për marrëdhëniet e mira fqinjësore, jo në seksionin që ka të bëjë me sundimin e ligjit. “
Më tej, në të njëjtin seksion trajtohet edhe çështja e delimitimit të kufirit detar midis Greqisë dhe Shqipërisë, duke shpjeguar se të dyja vendet kanë rënë dakord që së bashku ta referojnë këtë çështje në Gjykatën Ndërkombëtare të Drejtësisë.
VAZHDO TË LEXOSH MË TEPËR PËR TEMËN
Arrestimi i Fredi Belerit, reagimi nga Athina zyrtare
Eurodeputeti grek takon Fredi Belerin në qeli
Athina zyrtare kërcënon Shqipërinë: Do ndikojë në anëtarësimin në BE
