Kryefjala e zhvillimeve kryesore të vitit 2024 pa dyshim do të jenë zgjedhjet në shtetin më të fuqishëm në botë, SHBA, ndaj dhe sytë e të gjithëve dhe vëmendja e botës, është aty. Skenarët e errët se çfarë mund të ndodhë nëse fiton ish-presidenti republikan i akuzuar dy herë në vitin 2024, janë shfaqur brenda pak ditësh në mediat kryesore amerikane që përfshijnë The Washington Post, The New York Times dhe Atlantic. Parashikimet e zymta erdhën edhe nga kritikja kryesore republikane e Trump, Liz Cheney, e cila tha se vendi “po ecën në gjumë drejt diktaturës” dhe se ajo po peshon një kandidim presidencial nga një palë e tretë në përpjekje për ta ndaluar atë. Së bashku, ata paraqesin një pamje të zymtë të një Trumpi më të zemëruar dhe më të disiplinuar sesa gjatë periudhës së tij të parë në Shtëpinë e Bardhë, i cili do të hakmerrej ndaj armiqve të tij të perceptuar dhe ndoshta do të përpiqet të qëndrojë në pushtet përtej kufirit dy-mandat të SHBA. Presidenti Joe Biden, i cili duket se do të përballet me një ripërsëritje të garës së tij të hidhur të vitit 2020 me Trump, duket se tani përballet me një dilemë shumë të madhe.
Dilema e Biden
“Nëse Donald Trump nuk do të kandidonte për zgjedhjet presidenciale të 2024 në SHBA, nuk jam i sigurt se do të kandidoja. Por demokratët nuk mund ta lënë atë të fitojë”, kështu u shpreh Joe Biden gjatë një mbledhjeje fondesh pranë Bostonit. Fjalë me të cilat, thekson CNN, ai kapi në befasi zyrtarët dhe këshilltarët e fushatës së presidentit 81-vjeçar amerikan. Dhe, siç shkruajnë mediat amerikane, vetë Biden, kutu pyet nëse do të kishte qenë ende në garë nëse nuk do të kishte qenë Trump, më pas u përgjigj: “E pres, por e shihni, ai kandidon dhe unë duhet të kandidoj po ashtu.” Dhe në të njëjtat orë, ndërsa frazat e Bidenit bënë xhiron e mediave sociale, ish-presidenti amerikan pranoi “se do të bëhet diktator në ditën e tij të parë në Zyrën Ovale”. “Dua të mbyll kufirin. Por unë nuk do bëhem diktator. Vetëm ditën e parë. Do të jem patjetër diktator ditën e parë”, tha ish-presidenti”, në një intervistë me Fox News. Trump sulmoi edhe një herë rivalët e tij, duke i quajtur ata “parazitë” dhe përsëriti se Presidenti Biden është “shkatërruesi i vërtetë i demokracisë amerikane”.
Kërcënimet e Trump
Kash Patel, një bashkëpunëtor i ngushtë i Donald Trump, emri i të cilit po përmendet gjithnjë e më shpesh, përveç funksionit të këshilltarit për sigurinë kombëtare në rast të fitores së zgjedhjeve në 2024, i ftuar në podkastin e Steve Bannon, njoftoi se. hakmarrja kundër disidentëve politikë dhe mediave amerikane do të jetë “shtylla kurrizore” e mandatit të dytë të mundshëm të Trump. “Ne po përpilojmë një listë vrasjesh që do të përfshijë jo vetëm zyrtarët e qeverisë, por edhe shumicën e mediave. Ata do të paguajnë shtrenjtë për mashtrimin e publikut, si dhe për faktin që ndihmuan Joe Biden të falsifikojë zgjedhjet e fundit”, paralajmëroi Patel, duke theksuar se ata do të përdorin vetë Kushtetutën e SHBA për të ndjekur penalisht kriminelët që duhet të mbajnë gjithmonë përgjegjësi për krimet e tyre.
“Lista e vrasjeve”
Patel është një nga të paktët bashkëpunëtorë të Trump që i ka qëndruar verbërisht besnik, pavarësisht humbjes në zgjedhjet e 6 janarit dhe vështirësive ligjore. Për më tepër, në fund të vitit 2020, Trump i besoi aq shumë sa thuhet se u përpoq ta emëronte atë si zëvendësdrejtor të CIA-s, por dështoi sepse drejtoresha e atëhershme Gina Haspel dhe Prokurori i Përgjithshëm William Barr personalisht u siguruan që kjo të mos ndodhte. Barr dhe Milley, shefi i përbashkët i shtabit të të SHBA, janë të parët në të ashtuquajturën “Lista e vrasjeve” dhe në të është edhe ish-shefi i shtabit të Shtëpisë së Bardhë Mark Meadows, i cili dyshohet se, për të ulur dënimin e tij, vendosi të bashkëpunojë me prokurorinë në rastin e “kërkimit të votave në Xhorxhia”. Trump, ka premtuar se do të nxisë aparatin gjyqësor kundër rivalëve dhe kundërshtarëve të tij. “Do të zgjedh një prokuror special, i ngarkuar për të pirë gjakun e presidentit më të korruptuar në historinë e SHBA-së, Joe Biden dhe gjithë familjes së tij”, deklaroi ai në qershor.
VAZHDO TË LEXOSH MË TEPËR PËR TEMËN
5 skenarët që mund të përmbysin zgjedhjet presidenciale të 2024
