Ka thuajse 3 orë që godina e një qendre tregtare në Lushnje po përfshihet nga flakët dhe tymi i zi. Gazetarja e Klan News Anila Sefa ka deklaruar se tymi i madh ka krijur probleme te zjarrfikësit dhe policët.
“Unë kam parë policët e zjarrfikëses dhe ata të rendit, banorë të ndryshëm që u ka rënë të fikët për shkak të tymit të madh, edhe unë përdor maskë sepse era e sjell tymin në vende të ndryshme”, tha ajo.
Sipas Sefës, numri i njerëzve në momentin që ka shpërthyer zjarri ka qenë tejet i lartë, pasi po festonin ditën e Krishtlindjeve. Madje sipas gazetares, në një nga katet mendohet të kenë qenë prezentë 300 persona.
“Nuk u punua paralelisht sepse ka pasur numër të lartë, 3 kate janë biznese dhe një kat bar kafe. Kanë qenë të paktën 300 persona që kanë festuar në kohë dreke Krishtlindjet. Ka nisur zjarri në katin e katërt dhe kjo ka bërë bllokimin e njerëzve. Mes kaosit, një derë e vetme që të dalin 300 persona. Fillimisht nuk u kuptua ku ishte qendra ku ishte zjarri, situata agravoi pasi tymi u fut në çdo hyrje e çdo kat”, tha ajo.
E çuditshme në këtë rast është që nuk dihet numri i banorëve që jetojnë në këtë pallat.
Siç raporton Sefa, forcat “Renea” do tentojnë të ngjiten në tarracë për të shpëtuar njerëzit e ngecur brenda.
