Zgjedhjet e parakohshme duket se nuk po vinë ashtu sikundër i priste Aleksandër Vuçiç. Përveç rënies së mbështetjes, duket se ka një krisje dhe me aleatin e tij kryesor, Ivica Daçiç.
Konflikti mes progresistëve dhe socialistëve këtë herë nisi me deklaratën e presidentit të SNS-së dhe ministrit të Mbrojtjes, Millosh Vuçeviç, se në këtë fushatë ka vetëm dy opsione: Aleksandar Vuçiç dhe Dragan Đilas dhe se gjithçka tjetër është një gënjeshtër shumëngjyrëshe që në thelb nuk ekziston.
Me këtë ai e fshiu ekzistencën e SPS-së dhe Ivica Daçiçit, për të cilën u përgjigj ministri dhe nënkryetari i SPS-së Novica Tonçev. Lidhur me deklaratën e Vuçeviçit, ai tha: “Gjilas nuk mund të jetë shefi ynë kur partia jonë është më e fortë se e tij. Ne kemi politikën, planin dhe programin tonë dhe është më mirë që Serbia ta ketë Daçiçin kryeministër dhe Vuçiçin president. Synimi i SNS është të heqë një pjesë të votuesve tanë dhe të ulë kapacitetin negociator për formimin e qeverisë. Është sjellje e pasaktë, por zgjedhjet janë lojë”.
Për këtë ka reaguar Aleksandar Vuçiç. “Tani do të shkoj në Jagodinë për një takim, do të shkoj edhe në Surdulicë, do të luftoj për çdo votë, sepse e kam parë se çfarë kanë bërë herën e fundit në Surdulicë dhe në disa vende të tjera. Unë në asnjë mënyrë nuk do t’ia heq më votat askujt”, tha presidenti i Serbisë tre ditë më parë, ndërsa më pas u uroi socialistëve gjithë të mirat dhe i falënderoi për “bashkëpunimin korrekt”.
Udhëheqësi socialist Ivica Daçiç foli menjëherë dhe u kundërpërgjigj në të njëjtën mënyrë – me një mesazh në stilin “nëse nuk dëshiron, nuk duhet”.
“Unë mendoj se qëllimi ynë është që të kemi më shumë se 50 për qind të votave së bashku. Që nga viti 2012, SPS ka pasur një rezultat që ka qenë gjithmonë më i lartë se 10 për qind dhe çdo rezultat më poshtë do të ishte një dështim për ne. Por, më lejoni të them këtë, nuk do të thotë që SPS duhet të jetë në pushtet. Vendimi i takon Partisë Progresive Serbe. Ne e duam, nëse ata nuk e duan, nuk ka problem. Ka parti të tjera me të cilat do të bisedojnë për këtë, por nuk ka partner më të besueshëm se ne, as në listën e tyre”, tha Daçiç.
Në ndërkohë është shfaqur një video, në të cilën një socialist këndon “Vuçiç, fuck”, të cilën Vuçiç e ka postuar edhe në llogarinë e tij në Instagram me mesazhin: “Ka kaq shumë ide krijuese për programet dhe planet për të ardhmen e Serbisë. Dhe kjo është arsyeja pse Serbia nuk duhet të ndalet”.
Njoftimi i socialistëve në të cilin thonë se ky njeri është përjashtuar nga partia dhe se kushdo që shan presidentin Vuçiç do të ketë të njëjtin fat, padyshim nuk ka mjaftuar.
Vuçiç planifikon që të premten të shkojë në Surdulicë, siç ka paralajmëruar, për të goditur socialistët aty ku kanë qenë më të fortë prej vitesh dhe të përpiqet t’u marrë votat. /Danas
VAZHDO TË LEXOSH MË TEPËR PËR TEMËN
“Der Standard”: Perëndimi po mban anën e Serbisë
“Çfarë prisni, që të hyj me tanke në Kosovë”
“Vuçiç nuk ka pranuar asgjë nga marrëveshja e Ohrit”
