“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Buzëkuqi na mbron nga mikrobet?
Mjeku:Në Egjiptin e lashtë, burrat dhe gratë lyenin buzët si pjesë e rutinës së tyre të bukurisë. Në fillim të shekullit të njëzetë, buzëkuqi u lidh me aktore si Marilyn Monroe, por edhe me luftën e grave për barazi. Sot, shkencëtarët besojnë se një buzëkuq mund të ketë efekt pozitiv edhe kur kemi të bëjmë me viruse dhe baktere.
Edhe pse në të kaluarën produktet që njerëzit përdornin për të ngjyrosur buzët e tyre bazoheshin në përbërës natyralë, metodat e përpunimit tani kanë ndryshuar. Një studim i fundit zbuloi se buzëkuqi është një nga shumë produkte që përmbajnë kimikate të afta të prishin sistemin endokrin.
Prandaj, në kërkim të kthimit të kompozimeve natyrale në kozmetologji dhe me synimin për të kufizuar gamën e mikrobeve, shkencëtarët po i drejtohen përdorimit të frutave me ngjyra të ndezura.
Studimet e fundit, kanë raportuar se formulat e buzëkuqit që përfshijnë agjentë ngjyrues natyralë, të tillë si frutat me ngjyrë të ndezur, ruajnë ngjyrën e kuqe të gjallë duke ofruar gjithashtu përfitime antimikrobike. Përveç kësaj, ekstrakti i boronicës së kuqe është treguar se ngordh mikrobet e rrezikshme.
Formula që vret mikrobet në më pak se një minutë
Në dritën e këtyre gjetjeve të mëparshme, Dr. Ángel Serrano-Aroca dhe ekipi i tij donin të hetonin më tej përdorimin e ekstraktit të boronicës së kuqe për të krijuar një nuancë të kuqe të thellë buzëkuqi. Produkti përfundimtar ndriçon buzët e grave, duke nxjerrë në pah feminilitetin, duke i mbrojtur ato edhe nga mikrobet patogjene.
Për formulën, studiuesit shtuan ekstrakt boronicë në bazën e kremit të buzëkuqit me gjalpë shea, vitaminë E, provitaminë B5, vaj kokosi dhe vaj avokado.
Më pas ata aplikuan përzierjen në kultura të viruseve të ndryshme, baktereve dhe një lloj myku. Të dy variantet e virusit u çaktivizuan shpejt, ndërsa buzëkuqi bllokoi mikrobet brenda një minute kontakti. Edhe bakteret shumë-rezistente, mykobakteret dhe kërpudhat u dobësuan dhe u çaktivizuan ndjeshëm brenda pesë orëve nga aplikimi.
Gjetjet e tyre përfundimisht sugjerojnë se formula e tyre e re mund të ketë një vend në tregun e kozmetikës si një produkt mbrojtës kundër mikroorganizmave.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Ca këshilla bazë që duhet të ndiqni para se të lyheni për në punë
