Autorët e vrasjes së Gëzim Sinomatit në Vlorë, dyshohet se mund të kenë ngatërruar objektivin. Grupi Hetimor ka dyshime dhe po heton këtë pistë, pasi dyshohet se objektivi mund të ketë qenë Benard Sinomati, xhaxhai i Gëzim Sinomatit.
Gazetari Ervin Leka tha se automjeti tip “BMW x3” që u gjet djegur, dhe që u përdor nga vrasësit në Vlorë është vjedhur në Shkodër.
Makina tip “BMW X3 që u përdor për të kryer vrasjen e 23 vjeçarit Gezim Sinomati me snajper në Vlorë dhe që më pas u dogj nga autorët, rezulton që të jetë e vjedhur më përpara në Shkodër. Autoritetet kanë nisur një verifikim edhe në këtë qytet.
Sipas informacioneve, mësohet se vjedhja e kësaj makine në Shkodër ka ndodhur me 19 Tetor.
Ndërkohë targa e automjetit që u dogj rezulton se i përket një makine tip BMË që rezulton e regjistruar në qytetin e Kamzës.
“Targat nuk janë të vjedhura, por autorët i kanë dubluar duke krijuar një palë targa të njëjta dhe i kanë vendosur në makinën e tyre që kishin vjedhur në Shkodër. Grupi hetimor ka dyshime dhe po heton edhe pistën se autorët mund të kenë ngatërruar objektivin pasi kane dashur të qëllojnë Benard Sinomatin xhaxhain e Gëzim Sinomatit”, raporton gazetari Ervin Leka.
VAZHDO TË LEXOSH MË TEPËR PËR TEMËN
Pse u vra Gëzim Sinomati?
Nga “Sako” te “Sabbati”, snajperët që u përdorën në atentatet mafioze në Shqipëri
Ekzekutimi i Gëzim Sinomatit, autorët fshihen në Vlorë
