Presidenti francez, Emmanuel Macron ka emëruar si kryeministër të vendit, 34-vjeçarin, Gabriel Attal.
Attal do të jetë kryeministri më i ri që nga themelimi i Republikës së Pestë Franceze në vitin 1958, duke kaluar edhe socialistin Laurent Fabius, i cili ishte 37 vjeç kur u emërua nga François Mitterrand në 1984.
Gjithashtu Attal do të jetë i pari homoseksual që do të shërbejë si politikani i dytë më i fuqishëm në vend.
Gabriel Attal, i cili më parë ishte Ministër i Arsimit, lindi në 1989 në Hauts-de-Seine. Gjatë mandatit të tij, ai miratoi një ndalim të diskutueshëm për veshjen e hixhabit në shkollat publike franceze dhe ka punuar për rritjen e ndërgjegjësimit për ngacmimin në shkolla.
Politikani ka shërbyer tashmë në një sërë rolesh, duke përfshirë zëdhënësin e qeverisë dhe ministrin e llogarive publike.
Në fillim të karrierës së tij, Attal ishte anëtar i partisë Socialiste, por më vonë iu bashkua partisë qendrore të Emmanuel Macron , e njohur tani si Rilindja.
Ai zëvendëson Elisabeth Borne, e cila dha dorëheqjen nga posti i saj të hënën (8 janar) pas një mandati 20-mujor.
VAZHDO TË LEXOSH MË TEPËR PËR TEMËN
