“Arrest me burg” ka vendosur Gjykata e shkalles së Parë të rrethit Gjyqësor Fier, për 34-vjeçarin, Aranit Arapi, i akuzuar për veprën penale ‘kryerje e marrëdhënieve seksuale me te mitur.
Ai ka dalë sot para trupit gjykues të kryesuar nga prokurore Oliana Gjergjefi, ku u njoh dhe me masën. Ndërkohë që duke qenë se viktima është e mitur, çështja është gjykuar nga gjyqtarja Klodiana Kryeziu.
Arapi u arrestua në banesën e tij në fshatin Kryekuq në Divjakë pas denoncimeve të shumta në polici të familjes se vajzës minorene me të cilën kishte gati 1 vit martesë.
Babai i vajzës 14 vjeçare që bashkëjetoi me një 35-vjeçar për 1 vit ka deklaruar se vajzën ia rrëmbyen në moshën 13-vjeçare pa pëlqimin e tij. Babai rrëfen se ishte i detyruar të pranojë këtë situatë të rëndë për të, pasi vajza i thoshte se e dashuronte djalin dhe nëse ai ndërhynte për t’i ndarë do të bënte vetëvrasje.
Vajza u largua pa njoftuar askënd, në mars të vitit 2023, gjatë pushimit të madh teksa mësonte në shkollë në klasën e shtatë.
Pas denoncimit të familjarëve, që siç tregon babai u nxit nga fakti që vajza i largohej gjithnjë e më shumë dhe nuk kishte siguri për jetën e saj, policia arrestoi 35-vjeçarin i cili sot ndodhet pas hekurave, ndërsa vajza 14 -vjeçare është nën kujdesin e ekspertëve në një qendër sociale në Tiranë, aktualisht pa arsim.
35-vjecari do të përballet në gjykatë me akuzën e “marrëdhënie seksuale me të mitur”, që rrezikon nga 7 deri në 15 vite burgim.
