Sido që të jetë, sjellja e policisë shqiptare tregoi një përpjekje për të dhënë sinjalin se qeveria e Tiranës nuk do të bëjë asnjë lëshim në rastin e Belerit, i cili akuzohet për ryshfet votash në masën 340 euro.
Tensioni i dukshëm në varreza dhe koha shumë e kufizuar që Beleri u lejua të ishte i pranishëm në vendlindjen e tij, nuk dukej një operacion policie për të ruajtur dikë të akuzuar për ryshfet, por për dikë të dënuar rëndshëm me burg, shkruan media greke “Kathimerini”.
Sido që të jetë, sjellja e policisë shqiptare tregoi një përpjekje për të dhënë sinjalin se qeveria e Tiranës nuk do të bëjë asnjë lëshim në rastin e Belerit, i cili akuzohet për ryshfet votash në masën 340 euro.
Politizimi i çështjes së tij nga qeveria e Edi Ramës u pa edhe si një fyerje ndaj minoritetit grek, i cili e perceptoi qëndrimin e policisë si mosrespektim të zakoneve dhe traditave të saj.
Për sa i përket çështjes më të gjerë në lidhje me Belerin dhe perspektivën e anëtarësimit të Shqipërisë në BE, të cilin Athina po kërcënon ta pengojë, funerali në Himarë i dha një goditje të madhe çështjes së qeverisë shqiptare, pasi pamjet u bënë të disponueshme edhe për të gjithë ata që po i bëjnë presion Greqisë për të mos ndjekur çështjen.
Avokatët dhe anëtarët e familjes së Belerit iu drejtuan autoriteteve duke kërkuar një leje 48-orëshe. Edhe pse që në fillim autoritetet e burgut ishin të orientuara drejt një leje gjashtë orëshe, ajo nuk u dha kurrë.
Beleri u çua para varrit të gjyshes i rrethuar nga oficerë policie. Kur në një moment, disa nga të pranishmit thirrën emrin e tij, Beleri u çua me shpejtësi në makinë për t’u kthyer në burg.
Pamjet e oficerëve të policisë shqiptare, duke shkelur me nxitim mbi varre, ndezën tensione të mëtejshme në një zonë shumë të mbyllur, ku ishin të pranishëm gjithsej mbi 400 persona./KATHIMERINI
