Në një kohë kur çdo ditë po shtohen rastet e fruthit, Ministria e Shëndetësisë udhëzon rivaksinimin me dozën e dytë.
Të gjithë personat e lindur ndërmjet viteve ’80-’99 që nuk e dokumentojnë rivaksinimit ndaj fruthit, duhet të rivaksinohen me dozën e dytë.
Udhëzimi i Ministrisë së Shëndetësisë është shpërndarë në qendrat shëndetësore.
Ndër të tjera udhëzimi orienton lidhur me identifikimin dhe izolimin e rasteve që identifikohen me fruth.
Gjithashtu bëhet thirrje për ndërgjegjësimin e vaksinimit kundër fruthit edhe tek fëmijët duke parë shtimin e rasteve.
Numri i fëmijëve të infektuar me fruth ka arritur në 17. Aktualisht fruthi është konfirmuar në Tiranë dhe Durrës.