Nis puna për ‘rilindjen’ e kalasë së Pogradecit

Kalaja e Pogradecit, një nga asetet më të njohura të trashëgimisë së kulturës në këtë qytet, po rikonstruktohet. Kalaja e cila daton si vendbanim që në shekullin e IV-V para Krishtit, synon të kthehet në një destinacion turistik.

Kryeministri Edi Rama ka publikuar disa foto të projektit dhe nga puna për ‘rilindjen e kalasë panoramike’.

Projekti parashikon ngritjen e një muzeu arkeologjik, zbulimin e mureve të kalasë dhe rehabilitimin e rrugës që të çon drejt saj.

‘Mirëmëngjesi dhe me punën që ka nisur për të rilindur Kalanë panoramike të Pogradecit, e cila daton si vendbanim që në shek IV-V para Krishtit, e që shumë shpejt do të duket si një destinacion i së ardhmes, ju uroj një ditë të mbarë.’- shkruan Rama.