Për të tretën ditë radhazi, Koreja e Veriut gjuajti predha artilerie drejt kufirit detar me Seulin, në Detin e Verdhë. Predha ranë pranë ishullit Yeonpyeong dhe, sipas asaj që burimet ushtarake i thanë agjencisë së lajmeve Yonhap, ishin rreth nëntëdhjetë prej tyre. Këtë herë, bombardimi u shoqërua me deklarata të një prej personaliteteve më të shquara të Phenianit, motrës së liderit suprem Kim Yo Jong. “Sqaroj edhe një herë se siguria e Ushtrisë Popullore Koreane tashmë është në gatishmëri. Siç u tha, AKP-ja do të nisë një sulm ushtarak nëse armiku kryen qoftë edhe provokimin më të vogël”, tha ajo, duke mohuar gjithashtu bombardimin e artilerisë të shtunën më 6 janar dhe duke pretenduar se shpërthimi i eksplozivëve, ishte për të mashtruar Jugun dhe për të testuar aftësitë e tij për zbulimin e kërcënimeve.
Nga ana e saj, ushtria e Seulit i përcaktoi fjalët e Kim Yo Jong si “luftë psikologjike të nivelit të ulët” dhe i kërkoi Phenianit të ndërpresë aktivitetet ushtarake pranë vijës kufitare veriore. Prandaj, tensioni mes dy vendeve ka qenë në nivelin më të lartë në 72 orët e fundit. Të premten, më 5 janar, Koreja e Veriut qëlloi rreth 200 predha drejt kufirit detar, pasuar nga 60 të tjera një ditë më vonë. Si përgjigje, ushtria e Jugut filloi një seri stërvitjesh me zjarr të vërtetë në ishujt më afër vendit ku goditën të shtënat, Yeonpyeong dhe Baengnyeong. Autoritetet urdhëruan gjithashtu evakuimin e të dy atoleve dhe ndaluan shërbimin e trageteve që i lidh ato me kontinentin. Sipas Shërbimit Informativ Kombëtar të Seulit (NIS), ekziston mundësia që “Koreja e Veriut mund të kryejë papritur provokime ushtarake ose sulme kibernetike në vitin 2024”.
VAZHDO TË LEXOSH MË TEPËR PËR TEMËN
Koreja e Veriut paralajmërim për Korenë e Jugut
