02.01.2024 - 13:34
Pesë persona janë plagosur pas një sherri me thika dhe sende të tjera të mprehta në Prizren të Kosovës. Ngjarja ka ndodhur në orët e para të së hënës, teksa Policia e Kosovës sot njofton se të plagosurit kanë pësuar dëmtime.
Dy prej të plagosurve janë të mitur. Mësohet se sherri mes tyre ka ndodhur për motive banale, teksa të gjithë u plagosën dhe ndodhen jashtë rrezikut për jetën.
Policia njofton se “me vendim të prokurorit njëri nga të dyshuarit pas intervistimit është dërguar në mbajtje”.
