MENU
klinika

Ministri: Do të rihetohen 50 ngjarje të rënda kriminale

Taulant Balla kërkon hapjen e dosjeve të vjetra në Durrës

29.01.2024 - 20:29

Ministri i Brendshën Taulant Balla, në analizën vjetore të policisë së Durrësit kërkoi rihetim te 50 ngjarjeve të rënda kriminale të ndodhura në këtë qark në 30 vitet e fundit.

“Pjese e analizes sot ne drejtorine e policise se Durresit ishte edhe rihapja e dosjeve te vjetra te cilat jane mbi 50 ngjarje te renda kriminale. Por edhe intesifikimi punes se perditeshme i policise per arrestimine 560 personave te shpallur ne kerkim”, tha Balla.

Ministri zbuloi gjithashtu dhe detaje të tjera se çfarë ka diskutuar me drejtuesit e policisë.

“DVP e Durrësit dhe e Kufirit janë të rëndësishme. Gjatë 2023 kemi patur rezultate të mira në parandalimin e ngjarjeve kriminale, por mos harroni se kemi patur dhe ngjarje kriminale dhe njëra është duke u hetuar dhe shpresojmë të vëmë para drejtësisë personat përgjegjës.

Durrësi është kryeqendër e turizmit. Po planifikojmë që gjatë sezonit të ri turistik të kemi dhe mbështetjen e Forcës Kombëtare të Sigurisë për të garantuar një sezon turistik të suksesshëm.

Qarkullimi rrugor mbetet një nga sfidat tonë, shqetësimi im mbetet adresimi i shkeljeve rrugore. U bëj thirrje përdoruesve të rrugës, të reflektojnë për një respektim dhe më të madh të rregullave të qarkullimit rrugor.

Procesi i vetëpastrimit të policisë së shtetit ka qenë pjesë e diskutimit tonë. Besoj se kam qenë i qartë me të gjithë që në punë e tyre duhet të orientohen vetëm nga ligji”, tha ai.

VAZHDO TË LEXOSH MË TEPËR PËR TEMËN



Vdekja e 3-vjeçarit pas ndërhyrjes në klinikën dentare të Roland Xhaxhos

Ekspertiza e Brian Spahiut do të kryhet nga një grup mjekësh italianë

Një itinerar udhëtimi nëpër fshatra, ferma, shtigje e rafting

‘Forbes’ zgjedh Shqipërinë për aventurë emocionuese

"Do ketë ndikim të dëmshëm në mbrojtjen e refugjatëve"

Ligji për Ruandën, OKB thirrje Britanisë së Madhe: Rimendojeni!