Më shumë se 1900 familje kanë instaluar panelet diellore me çmim favorizues e të rimbursuar nga shteti. Ndërsa në shkurt do të hapet thirrja tjetër për të dhënë edhe 2 mijë panele diellore që do të përdoren për ngrohjen e ujit.
Ndërsa në sektorin energjetik brenda vitit do të nisë edhe projekti për të rritur rezervat në HEC-in e Fierzës, e cila nëpërmjet një sistemi pompimi do të marrë ujë nga HEC-i i Komanit, në mënyrë që të shmangen shkarkimet gjatë prurjeve të mëdha.
“Projekti është ‘Pump Storage’, pra do të pompojmë ujin nga rezervuari i Komanit në atë të Fierzës. E para ruan sigurinë me 30% të shkarkimeve në Koman, pasi baseni i Komani është i vogël, dhe hedhja e ujit në Fierzë na jep kapacitet prodhues, do sjellë rritje prodhimi dhe balancohen sistemet hibride të erës dhe diellit”, pohoi drejtori i KESH Ergys Verdho.
Kurse sa i takon TEC-eve lundruese, ende nuk ka një datë se kur do të nisin të prodhojnë energji, pasi janë në fazë kolaudimi e certifikimi.
Përgjatë vitit 2023 janë miratuar 64 leje për impiante fotovoltaike me kapacitet total prodhimi 603 megavat, si dhe janë licencuar 13 impiante eolike me fuqi 37 megavat.
VAZHDO TË LEXOSH MË TEPËR PËR TEMËN
“Kukësi po zbrazet nga emigracioni”
A rrezikojmë rritje taksash?
Kush janë 10 kompanitë me fitimet më të larta në vend?
