Makina tip “BMW” e përdorur nga autorët e vrasjes së 23-vjeçarit, Gëzim Sinomati mbrëmjen e së dielës në Vlorë rezulton e vjedhur në Shkodër më 19 tetor të vitit 2023.
Kjo e dhënë është përftuar nga grupi hetimor pas verifikimit të numrit te shasisë së makinës, e cila pas ngjarjes u dogj nga autorët në lagjen 24 maji të qytetit të Vlorës.
Nga aty një tjetër mjet dyshohet se u erdhi në ndihmë vrasësve, për të cilët deri tani nuk ka asnjë gjurmë.
Ndërkohë targat e përdorura kanë rezultuar të dubluara në qytetin e Kamzës.
Mbi bazën e këtyre të dhënave grupi hetimor ka ngritur dyshimet se vrasja me snajper e 23-vjeçarit ka nisur të planifikohet kohë më parë.
Atentatorët, që policia thotë se kanë qenë 3, kanë parë me detaje zonën, me qëllim që të largohen pa u kapur nga policia dhe pa lënë gjurmë që mund të çonin në identifikimin e tyre.
Deri në këtë fazë policia dhe prokuroria konsideron me tepër vlerë për hetimin kamerat e sigurisë, përmes të cilave shpreson të identifikojë autorët, raporton Tv Klan.
VAZHDO TË LEXOSH MË TEPËR PËR TEMËN
Si u ekzekutuan viktimat në sekondë pa patur mundësi reagimi
Hajdarmataj për vrasjen në Vlorë: Ja pistat ku duhet të hetohet
