Diskutimi i pr.ligjit për Amnistinë Penale në Komisionin e Ligjeve është shoqëruar me debate gjatë ditës së sotme.
Deputeti i Partisë Demokratike zyrtare, Enkelejd Alibeaj ka kërkuar që t’i paraqiten të gjithë amendamentet e propozuara së bashku me qëndrimin e qeverisë dhe të lihet një ditë tjetër mbledhja për t’u votuar.
Ndërsa Ermonela Felaj ka pasur qëndrim kundër dhe i është përgjigjur se ligji pret prej 3 muajsh.
Debati mes tyre:
Manja: Presim një dritë jeshile për të kaluar ky variant i amnistisë.
Felaj: Në kuadër të diskutimeve në parim pr ligji ka mbi 3 muaj që diskutohet nga kolegët, nuk ka asnjë amendament që është parë ndryshe nga çfarë po përpiqeni të aludoni, çdo amendament ardhur nga kolegët, janë parë në frymën e këtyre parimeve. S’do doja të hidhej dyshim.
Alibeaj: Për sa kohë sollëm amendamentete tona, ju bëra me dije që teksa thonit janë studiuar, vetëm në këtë seancë pati dy apo tre kolegë, kur thashë që nuk duhet të bëjmë, serioziteti i analizës e do, me shpejtësi nuk mund të ecim, kërkesa ime është të na jepet kohë për të studiuar variantet e reja, është version i ri i sjellë nga mazhoranca, të mos ecim me diskutim nen për nen, të shohim amendamentet qëndrimin mesa duket refuzues.
Felaj: Ka tre muaj që pret.
Alibeaj: Është një situatë e re me amendamenetet që u sollën.
