Mediat vendase e kanë futur në një listë me Dritan Rexhepin….
Autoritetet ekuadoriane në bashkëpunim me ato spanjolle, kanë zhvilluar një operacion të gjerë ndaj një grupi të drejtuar nga një shqiptar. Sipas mediave ekuadoriane, grupi i drejtuar nga Dritan Gjika është i përfshirë në trafikimin e sasive të mëdha të kokainës. Në pranga kanë rënë 30 persona dhe janë sekuestruar sasi të mëdha parash, armë, makina, orë të shtrenjta etj.
Por kush është Dritan Gjika?
I lindur në 1976 dhe që jeton në Ekuador që nga viti 2013, është një nga figurat kryesore në çështjen që policia hetoi, në mënyrë konfidenciale, në vitin 2021. Rasti përfshin Rubén Cherres, një mik i Danilo Carrera, kunati i presidentit Lasso. Cherres, i ekzeutur pak kohë më parë, ishte ortak biznesi i shqiptarit Dritan Gjika në disa kompani
Dritan Gjika, sipas të dhënave të vendit të tij, ka mbaruar shkollën e mesme. Megjithatë, në Ekuador financat e tij u dalluan në pandemi.
Mes viteve 2015 dhe 2018, shqiptari nuk ka paguar tatimin mbi të ardhurat, sipas Shërbimit të të Ardhurave të Brendshme (SRI). Në vitin 2019 dhe 2020, vlera që u tatua i kaloi 500 dollarët, në secilin prej atyre viteve. Por në vitin 2021, ai pagoi 15,342 dollarë tatimin mbi të ardhurat, ndërsa taksa e daljes së monedhës atë vit i kaloi 3,700 dollarët. Në vitin 2022 nuk ka paguar tatimin mbi të ardhurat; por kontribuoi me 1,805 dollarë për dalje të valutës së huaj.
Cili ishte aktiviteti fitimprurës i Gjikës në Ekuador? Gjika inkorporoi një duzinë kompanish në të njëjtën ditë, më 17 qershor 2021, së bashku me Rubén Cherres. Gjëja e dyshimtë e kompanive të krijuara njëkohësisht është se ato kanë një gamë të gjerë objektesh sociale, duke filluar nga prodhimi i mishit, përmes turizmit dhe promovimit të shfaqjeve, sipas dokumenteve që dalin në hetimin e kryer nga zyra e asambleistit Ricardo Vanegas.
Cherres, në dosjen e tij të identitetit, figuron si invalid dhe përmend “cisternën e naftës” si profesionin e tij, pa shpjegime të mëtejshme.
Sipas policisë së shtetit shqiptar, Gjika nuk ka precedentë penalë dhe nuk është arrestuar nga policia shqiptare.
Megjithatë, në shtator 2021, policia italiane e dëboi atë nga Treviso, Itali, pasi nuk kishte mbledhur dokumentacionin e nevojshëm për të hyrë në atë vend.
Të dhënat tregojnë se ai ka udhëtuar mes Shqipërisë dhe Dubait.
Më 7 janar të 2023, në prag të shpërndarjes së audiove të para që zbardhën rastin, shqiptari Gjika u nis drejt Turqisë. Që atëherë nuk ka pasur lajme për të.
VAZHDO TË LEXOSH MË TEPËR PËR TEMËN
Si organizohej karteli i ‘El Chapo’ shqiptar dhe lidhjet me trafikantët më të fuqishëm të botës
Si “El Chapo” krijoi lidhje me qarqet më të larta të politikës vendase
