Fqinjët e Ilo Llukas dhe Emiliano Pine allias Jorgo Prifti, të cilët ndërruan jetë një natë më parë (28 shkurt) në Korçë, kanë zbuluar detaje të reja lidhur më ngjarjen e rëndë.
Njëri prej banorëve ka treguar se pasi ka dëgjuar krismat ka parë të dy viktimat të shtrirë në rrugë.
Ai shprehet ndër të tjera se nëna e Emiljanos e mbante në shtëpi babain e Ilos, prej disa vitesh dhe kujdesej për të, që kur ishte edhe i shoqi gjallë.
“Isha në shtëpi kur ndodhi ngjarja. Dëgjova krisma, dola jashtë dhe i pashë të dy të shtrirë në rrugë. I njihja të dy personat. Emiljano ishte djalë i shkëlqyer. Nëna e Emiljanos e mbante në shtëpi babain e Ilos prej disa vitesh dhe kujdesej për të, që kur ishte edhe i shoqi gjallë”. Ajo nuk bashkëjetonte me të po i bente yzmet” është shprehur ai.
Ndërkohë një tjetër banor ka treguar se nuk njihte asnjërin prej tyre.
“Dëgjova krisma mbrëmë. I thashë gruas mos janë fishekzjarrë dhe nuk dola në moment. Kur dola për të mbyllur derën pashë çfarë kishte ndodhur. Nuk njihja asnjërin prej tyre”, është shprehur një prej banorëve”, tregoi një tjetër.
Jashtë kamerave, fqinjët e Emiljano Pines kanë treguar se familja jetonte me qira. Ndërkohë që babai i autorit të ngjarjes bashkëjetonte me familjen e Emiljanos prej 4 vitesh.
Nëna e Emiljanos kujdesej për shkak të pamundësive të tij fizike dhe moshës. Sipas banorëve, babai i Emiljanos kishte 1 vit që kishte ndërruar jetë dhe ata e vazhdonin bashkëjetesën.
Sipas burimeve nga policia, bëhet me dije se pista kryesore e hetimeve mbetet trashëgimia e një apartamenti në pronësi të babait të autorit të ngjarjes, i cili donte t’ja linte si trashëgimi djalit të kujdestares.
Ilo Lluka ishte emigrant, jetonte në Greqi dhe pasi ka marrë vesh vendimin e të atit për shtëpinë, është kthyer nga shteti grek dhe mbrëmjen e djeshme vrau Emiljanon e më pas veten. 61-vjeçari Lluka njihet si përdorues i pijeve alkoolike ndërsa ekspertiza mjeko ligjore ende nuk e ka konfirmuar nëse ka qenë nën efektin e alkoolit në momentin kur kreu krimin.
VAZHDO TË LEXOSH MË TEPËR PËR TEMËN
