Ministrja e Arsimit, Ogerta Manastirliu, ka bërë të ditur se sot në mbledhjen e qeverisë është miratuar projektligji për për ratifikimin e marrëveshjes së bashkëpunimit me Kosovën në fushën e arsimit të lartë dhe bashkëpunimit në kërkimin shkencor.
Manastriliu tha se marrëveshja do të kalojë në Kuvend për t’u ratifikuar.
“Sot qeveria ka miratuar projektligjin për ratifikimin e marrëveshjes së bashkëpunimit me Kosovën në fushën e arsimit të lartë dhe bashkëpunimit në kërkimin shkencor. Është marrëveshje që do të ratifikohet në Kuvend.
Kjo do të inkurajojë bashkëpunimin në projekte të BE dhe UNESCO-s apo programet të tjera që kanë interes të përbashkët. Thellimi i bashkëpunimit dhe gjithashtu ndarja e informacionit të strukturave tonë arsimore do të jetë një tjetër komponent i cili nëpërmjet kësaj marrëveshjeje zhvillohet. Një tjetër risi është dhe programi i lëvizshmërisë së studentëve”, tha ajo.
VAZHDO TË LEXOSH MË TEPËR PËR TEMËN
‘Shqipëria është zëri ynë’, Vjosa Osmani flet për marrëdhëniet me Edi Ramën
4 Prilli, data që i bën nder anëtarësimit të RSh në NATO
