Nesër zyrtarë nga SHBA, Katari, Egjipti dhe Izraeli do të takohen dhe do të diskutojnë kthimin e pengjeve. Ky takim vjen pasi Izraeli thotë se do të vazhdojë me një ofensivë në qytetin e Rafahut nëse pengjet nuk kthehen deri më 10 mars, datë kjo kur fillon muaji i shenjtë i Ramazani.
Por, cila është rëndësia e bisedimeve?
Analisti ushtarak Sean Bell thotë se bisedimet janë të fokusuara kryesisht në ndihmën dhe lirimin e pengjeve, por vëren se jo të gjithë zyrtarët do të jenë së bashku në Paris.
“Kjo është e gjitha një rritje e madhe përpjekjesh sepse ka një dritare mundësish për momentin”, thotë ai.
Bell thotë se gjenerali në pension i ushtrisë izraelite Benny Gantz kishte folur më parë për një dritare mundësie deri më 10 mars. Por nëse faza tjetër e operacionit të Izraelit shkon përpara, sipas tij situata mund të bëhet shumë e zymtë.
Duke parë ndërtimin e presionit ndaj Benjamin Netanyahut, Bell thotë se presioni po rritet nga të gjitha anët. Ai thotë se ka “zhgënjim” në SHBA për momentin dhe ndërsa vendi ofroi mbështetje të palëkundur lufta është zvarritur.
“SHBA-ja vuri veton ndaj një rezolute tjetër të Këshillit të Sigurimit të OKB-së këtë javë dhe paraqiti një tjetër. Ata kanë përdorur gjuhë si ‘armëpushimi’ – nuk kam parë ndonjëherë gjuhë si ajo e përdorur nga SHBA deri më tani. Problemi është se pengjet janë monedha e Hamasit dhe ata nuk do t’i lirojnë ata pengje nëse nuk garantohet se lufta do të përfundojë”, përfundoi ai./SkyNews
VAZHDO TË LEXOSH MË TEPËR PËR TEMËN
“Hija” e Putinit po rrethon edhe Lindjen e Mesme
“Konflikti Izrael-Gaza mori fokusin e luftës në Ukrainë”
