Reshjet e dëborës janë rikthyer në zonat malore të juglindjes së vendit.
Me të dendura reshjet kanë qenë në lartësitë në 1200 m mbi nivelin e detit, madje në afërsi të Bigëllit në Dardhë trashësia ka shkuar nga 10-15 cm.
Aksi rrugor është i kalueshëm pa probleme ndërkohë që reshje dëbore të dendura ka patur e ne fshatrat e Devollit të Sipërm, Sinicë, Qytezë, Arrze, Nikolice, fshatra këto që kufizohen me Dardhën.
Reshje bore ka pasur edhe në zonën e Shtyllës së Vithkuqit por trashësia nuk ka qenë më e madhe se 5 cm në majë të Mashkullorës.
Nga reshjet e dëborës të orëve të fundit nuk raportohen probleme përsa i përket qarkullimit në zonat malore kjo e për atë sepse temperaturat nuk kanë shkuar nën minus.
Nga ana e OSSHE zyrtarisht u tha se në asnjë prej zonave të qarkut të Korçës nuk ka pasur probleme përsa i përket furnizimit me energji elektrike. Në disa zona ka patur vetëm stakime të kontrolluara për shkak të stuhisë një natë më parë.
VAZHDO TË LEXOSH MË TEPËR PËR TEMËN
VIDEO / Reshje dëbore në Bogë-Theth
