Presidenti ukrainas, Volodymyr Zelensky pritet të mbërrijë mbrëmjen e së martës në Tiranë në kuadër të samitit që do të mbahet të mërkurën për Ukrainën. Gazetarja e Esiona Konomi raporton se Zelensky do të pritet në aeroportin e Rinasit nga ministri i Jashtëm, Igli Hasani.
Të nesërmen, në orën 09:00, është parashikuar që ai të pritet në një ceremoni nga kryeministri Edi Rama. Gazetarja Konomi shtoi gjithashtu se pritja zyrtare e delegacioneve të vendeve të Evropës Juglindore që do të marrin pjesë në samitin për Ukrainën do të nisë në orën 11:00.
“Zelensky mbërrin në mesnatë në Rinas. Ai do të pritet nga Hasani. Në kryeqytet ai do të qëndrojë në një hotel afër Pallatit të Kongreseve dhe do të nisë ditën e nesërme me pritjen që do t’i bëjë kryeministri Rama në orën 09:00. Pritja zyrtaë e të gjithë delegacioneve nis në orën 11:00, ku marrin pjesë vendet e Evropës Juglindore.”, raportoi gazetarja.
Mësohet se BE do të përfaqësohet nga presidentja e KE-së, Ursula Von der Leyen. Kosova dhe Serbia do të përfaqësohen nga presidentët Vjosa Osmani dhe Aleksandër Vuçiç. Sa i takon Greqisë, gazetarja theksoi se kryeministri Kyriakos Mitsotakis nuk do të marrë pjesë.
Sakaq, kujtojmë që më herët, policia njoftoi një sërë masash për mbarëvajtjen e samiteve.
VAZHDO TË LEXOSH MË TEPËR PËR TEMËN
Samitet në Tiranë dhe vizita e Zelenskyt, Rebani Jaupi publikon planin e masave
