Përveç SHBA-së edhe Franca ka dalë në mbrojtje të Ukrainës sa i takon sulmit terrorist të ndodhur në Moskë.
Presidenti francez Emmanuel Macron tha të hënën se do të ishte cinike dhe kundërproduktive për Rusinë dhe qytetarët e saj të përpiqeshin të fajësonin Ukrainën për sulmin terrorist në qytetin Crocus në Moskë.
“Ne duhet të jemi të kujdesshëm nga çdo instrumentalizim i sulmit”, tha Macron në komentet për gazetarët pas mbërritjes së tij në territorin francez të Guianës Franceze.
Macron shprehu “solidaritetin” e tij me popullin rus pas “sulmit terrorist islamik” në Moskë, duke shtuar se Franca i kishte ofruar ndihmën e saj Moskës në lidhje me inteligjencën rreth sulmit.
Ai vuri në dukje se ISIS, i njohur gjithashtu si grupi i Shtetit Islamik, kishte marrë përsipër sulmin dhe se Franca dhe partnerët e saj kryesorë besonin se ishte një ent i Shtetit Islamik që planifikoi dhe kreu këtë sulm. Megjithatë, ai nuk specifikoi se cili entitet i ISIS-it Franca beson se e ka kryer atë.
Macron tha se i njëjti ent kishte tentuar disa sulme në tokën franceze muajt e fundit, gjë që kontribuoi në vendimin e qeverisë franceze për të rritur nivelin e kërcënimit terrorist të vendit të dielën.
Kujtojmë se pas sulmit, Putin tha se “autoret” ishin drejtuar në kufirin me Ukrainën përpara se të kapeshin. Komentet e tij erdhën pasi ISIS kishte marrë tashmë përgjegjësinë. Ukraina mohoi me forcë çdo përfshirje.
