Hapja e bazës ajërore të NATO-së në Kuçovë është pasqyruar edhe në mediat ndërkombëtare. “Reuters” në një artikull me titull “Shqipëria, e kujdesshme ndaj Rusisë”, shkruan se “ky vend anëtar i NATO-s, që nuk ka avionë luftarakë të sajat, hapi të hënën një bazë ajrore të rindërtuar të epokës sovjetike”.
NATO ka shpenzuar mbi 50 milionë euro (54.26 milionë dollarë) në bazën ajrore të Kuçovës për të forcuar praninë e saj në rajon. Hapësira ajrore në vendin Adriatik të Shqipërisë, që kufizohet me Greqinë në jug dhe Malin e Zi në veri, mbrohet nga Italia dhe Greqia, shkruan agjencia e lajmeve Reuters.
“Kjo është një bazë që do të shtojë një tjetër element sigurie për rajonin tonë të Ballkanit Perëndimor, të cilin të gjithë e dimë se është një rajon i rrezikuar nga kërcënimi dhe ambiciet neoimperaliste të Federatës Ruse”, tha Rama gjatë inaugurimit.
Dy avionë luftarakë që fluturonin nga baza ajrore e NATO-s Aviano në Itali zbarkuan në Kuçovë për të shënuar rihapjen e fushës ajrore.
Baza ajrore është e vendosur në qytetin e vogël të Kuçovës, i njohur dikur si “Qyteti i Stalinit”, kur MIG-të e prodhimit sovjetik dhe kinez ishin në gatishmëri për urdhra për t’u përplasur në rastin e një lufte me Perëndimin që nuk ndodhi kurrë.
“Objektivat e mundshëm atëherë ishin Austria, Gjermania, Italia dhe Danimarka. Sot jetojmë në një epokë tjetër dhe për fat Shqipëria është në anën tjetër”, tha Rama.
Shqipëria, e cila u bashkua me NATO-n në vitin 2009, është gjithashtu në bisedime me NATO-n për të ndërtuar një bazë detare në Porto Romano në bregdetin e Adriatikut.
VAZHDO TË LEXOSH MË TEPËR PËR TEMËN
“Një lajm i mirë”, Rama: Në Shqipëri do ndërtohet baza e parë ajrore në Ballkanin Perëndimor
NATO vijon investimin në bazën ajrore të Kuçovës sipas planifikimit
