Të tjera detaje janë zbardhur në lidhje me arrestimin e kreut të ARRSH, Evis Berberi, por edhe dy biznesmenët e tjerë, Valter Begaj dhe Ervis Lami.
Gazetarja e Neës24, Klodiana Lala thotë se Berberi është arrestuar në afërsi të banesës së tij. Ndërsa sa i takon hetimit për korrupsion dhe pastrim parash, rezulton se Evis Berberi ka qenë ortak në një kompani me Valter Begajn. Këtij të fundit i ka dhënë tendera në kohën kur është emëruar drejtori i Eficencës në Energji.
“Berberi është arrestuar afër banesës së tij, ndërkohë kanë në përfunduar në pranga dy biznesmenët përkatësisht, Valter Begaj i cili u arrestua në studion e tij si dhe biznesmeni Ervis Lami, i cili është ndaluar në banesën e tij në Kodër Kamëz.
Sa i përket hetimit në lidhje me veprën penale të korrupsionit dhe pastrimit të parave rezulton se Evis Berberi në 2018 i ka blerë Valter Begajt kompaninë Dam për shumën prej 800 eurove.
Në 2019 Evis Berberi është emëruar këshilltar i Belinda Ballukut dhe në atë moment ai ia ka shitur kompaninë një personi tjetër në shumën e 600 mijë euro.
Në pak muaj, kjo shtetase ja ka shitur kompaninë Valter Begajt në shumën 1.7 mln euro.
Më pas Berberi është emëruar nga Belinda Balluku drejtor i Eficencës së Energjisë. Gjatë kësaj kohe rezulton se i ka dhënë tendera Valter Begajt në kohën që ishte drejtor dhe vartës i zonjës Balluku”, raporton Klodiana Lala.
VAZHDO TË LEXOSH MË TEPËR PËR TEMËN
Kreu i ARRSH, Evis Berberi jep dorëheqjen nga drejtoria e Rrugëve!
