Ngjashmëritë e shumta midis mbulimit të luftës nga mediat kineze dhe ruse nuk janë befasuese; të dyja palët ndajnë shqetësimet për NATO-n dhe Perëndimin në përgjithësi.
Pas nisjes së pushtimit të plotë të Ukrainës nga Rusia më 24 shkurt 2022, media shtetërore në Republikën Popullore të Kinës (PRC) dhe Federatën Ruse kanë përdorur taktika të ngjashme në operacionet e tyre të informacionit, duke përhapur shpesh histori të ngjashme për luftën. Ashtu si Rusia, Kina përdor llogaritë e internetit nga ambasadat dhe diplomatët për të përhapur narrativat zyrtare dhe për t’i bërë ato të duken më të besueshme.
Kështu thuhet në raportin e Qendrës së Përsosmërisë së Komunikimit Strategjik të NATO-s, e cila kreu dy analiza, njëra me fokus në Suedi dhe tjetra në Finlandë, duke shqyrtuar narrativat ruse dhe kineze në lidhje me aplikimet e tyre për anëtarësim në NATO. Në këtë raport, marrëdhëniet e Kinës me këto dy vende janë përmendur gjerësisht ndër vite.
Sipas këtij studimi, sistemi kinez mediatik shpërndan “kornizat” e tij narrative tek një audiencë ndërkombëtare përmes një aparati shumë të zhvilluar, hierarkik dhe të disiplinuar. Në krye të këtij sistemi janë deklaratat zyrtare të anëtarëve, ministrave apo ambasadorëve të lartë të Partisë Komuniste Kineze (PKK). Deklaratat zyrtare shpërndahen dhe përpunohen përmes mediave shtetërore dhe amplifikohen gjithnjë e më shumë në mediat sociale.
“Ashtu si Rusia, Kina përdor ambasadat dhe llogaritë diplomatike të internetit për të shpërndarë narrativat zyrtare dhe për t’i bërë ato të duken më të besueshme”, thuhet në raport.
Ngjashmëritë e shumta midis mbulimit të luftës nga mediat kineze dhe ruse nuk janë befasuese; të dyja palët ndajnë shqetësimet për NATO-n dhe Perëndimin në përgjithësi. Vetëm tre javë para fillimit të pushtimit rus; Presidentët Vladimir Putin dhe Xi Jinping lëshuan një deklaratë të përbashkët duke shprehur kundërshtimin e tyre ndaj “zgjerimit të mëtejshëm të NATO-s” dhe deklaruan gjithashtu se miqësia e tyre “nuk kishte kufij”.
Kur Suedia aplikoi zyrtarisht për anëtarësim në aleancë më 18 maj 2022, kjo shkaktoi reagime të forta negative në rrjetet e mediave shtetërore ruse dhe kineze.
Raporti “sekret”/ Si Kina dhe Rusia tentuan të ndalojnë
Mediat që shkruanin për pranimin e Suedisë në NATO
Marrëdhëniet e Suedisë me Kinën para vitit 2022 karakterizoheshin kryesisht nga rritja e lidhjeve ekonomike dhe ndërveprimeve diplomatike, megjithëse këto marrëdhënie ishin të tendosura herë pas here nga çështje që lidhen me të drejtat e njeriut dhe politikën e brendshme të Kinës.
Suedia, e njohur për qëndrimin e saj të fortë ndaj të drejtave të njeriut, ka kritikuar hapur Kinën për çështje të tilla si trajtimi i disidentëve dhe situata në Tibet dhe Xinjiang. Kjo kritikë nuk u mirëprit nga Kina, kështu që Suedia mori një pozicion që balanconte interesat e saj ekonomike me Kinën kundër shqetësimeve më të gjera për ndikimin në rritje të Kinës në çështjet ndërkombëtare.
Nga ana tjetër, marrëdhëniet e Finlandës me Kinën janë zhvilluar pa probleme që nga viti 1950. Nuk ka pasur skandale serioze diplomatike dhe asnjë ndërvarësi ekonomike dhe në vitin 2020 Kina është bërë partneri i pestë më i rëndësishëm tregtar i Finlandës.
Raporti “sekret”/ Si Kina dhe Rusia tentuan të ndalojnë
Fjalë kyçe të përdorura në hulumtim në mediat shtetërore kineze dhe ruse
Vitet e fundit, të dy vendet, pra Rusia dhe Kina, gjithashtu kanë bashkuar forcat duke ndarë të njëjtat narrativa anti-perëndimore, ku mund të marrim si shembull vaksinat e COVID-19 dhe luftën Rusi-Ukrainë.
Ndërsa Rusia dhe Kina ndajnë shqetësime për NATO-n, strategjitë e tyre të ndryshme gjeopolitike dhe marrëdhëniet dypalëshe me vendet evropiane ndikojnë në mënyrën se si ato formojnë dhe shpërndajnë narrativat.
