Edhe pse supa konsiderohet si një ushqim i mirë për rastet kur keni temperaturë ose ndonjë sëmundje tjetër, duhet të dini se kjo varet nga lloji i supës. Në disa raste, disa lloje supe mund të përkeqësojnë simptomat tuaja. Supa mund të jetë e mirë kur keni temperaturë, sepse mund t’ju ndihmojnë të qëndroni të hidratuar.
Kjo është një mënyrë për të marrë lëngjet që ju nevojiten, veçanërisht nëse keni diarre ose jeni në rrezik për dehidrim. Lëngu i ngrohtë i supës mund ta mbajë fytin tuaj të lagësht dhe të lehtësojë dhimbjen nëse ethet tuaja janë shkaktuar nga një infeksion i fytit ose nga ftohja e zakonshme.
Ata persona që e konsumojnë rregullisht supën mund të pyesin nëse është e shëndetshme, apo nëse ka edhe disa efekte anësore të mundshme. Çdo supë është e ndryshme në varësi të përbërësve të saj.
Shëndeti juaj i zorrëve mund të përmirësohet. Supa e mbushur me plot perime, do t’i jepte zorrëve një nxitje shëndetësore. “Supa e mbushur me perime është e mrekullueshme për zorrën tuaj për një sërë arsyesh”,-thotë nutricionistja Maggie Michalczyk.
Ajo thekson se supat shtojnë më shumë fibra në dietë, e cila është e mrekullueshme për tretjen dhe ngopjen dhe shumë nga perimet që gjenden zakonisht në to, si preshi dhe qepa, përmbajnë fibra prebiotike që ushqejnë bakteret e mira në zorrë.
“Supa mund të jetë një burim i rëndësishëm proteinash, veçanërisht nëse është bërë me lëng kockash”, thotë Elizabeth Ward. Ajo beson se shtimi i mishit si pula rrit përmbajtjen e proteinave. Disa supa mund të kenë veti medicinale. Një studiues në Qendrën Mjekësore të Universitetit të Nebraskës zbuloi se supa klasike e pulës ka përfitime të shumta për shëndetin tuaj.
Pra, herën tjetër që të jeni të sëmurë, mos hezitoni dhe hani një supë të nxehtë me petë pule. Hulumtimet tregojnë se supa me perime është supa më e shëndetshme që mund të hani. Supat me perime janë plot me minerale, vitamina dhe komponime bimore bioaktive. Këto supa gjithashtu nxisin hidratimin dhe ngopjen. /TAR/
VAZHDO TË LEXOSH MË TEPËR PËR TEMËN
