Presidentja e Komisionit Evropian Ursula von der Leyen tha ditën e djeshme se Rusia ka përqendruar sulmet hibride në Finlandë duke dërguar emigrantë, të gjitha për të destabilizuar vendin, i cili “mbështet fuqishëm” Ukrainën dhe u bashkua me NATO-n një vit më parë. Finlanda mbylli kufirin e saj në mesin e dhjetorit 2023 pas një fluksi prej 1000 emigrantësh të paligjshëm nga territori rus që nga mesi i gushtit.
Të dy vendet ndajnë një kufi 1340 km të gjatë dhe Helsinki akuzon Moskën për dërgimin sistematik të emigrantëve në Finlandë. Rusia i hedh poshtë këto akuza.
“Që nga sulmi hibrid i Bjellorusisë në nëntor 2021 në Lituani, Poloni dhe Letoni, ne të gjithë e dimë se Putini dhe aleatët e tij po instrumentalizojnë emigrantët për të testuar mbrojtjen tonë dhe për të na destabilizuar”, tha kreu i Komisionit Evropian.
Presidentja e Komisionit Europian, Ursula Von der leyen u takua me kryeministrin finlandez Petteri Orpa në qytetin Lappeenranta në juglindje të vendit, rreth 30 kilometra nga kufiri rus dhe diskutuan se çfarë mund të bëjnë BE dhe Finlanda për të parandaluar instrumentalizimin në kufirin finlandez.
Në prill, Finlanda vendosi që kalimet kufitare të mbeten të mbyllura. Marrëdhëniet midis Helsinkit dhe Moskës janë përkeqësuar që nga pushtimi i Ukrainës. Pas pranimit të Finlandës në NATO Moska njoftoi “kundërmasa”.
Finlanda po përgatit gjithashtu një ligj për të kundërshtuar ardhjen e emigrantëve. Luftërat hibride ruse përfshijnë përdorimin e forcave të rëndësishme konvencionale dhe konfliktin.
Ushtria ruse përcakton një “luftë hibride” si një përpjekje të nivelit strategjik për të formësuar qeverisjen dhe orientimin gjeostrategjik të një shteti të synuar.
VAZHDO TË LEXOSH MË TEPËR PËR TEMËN
A do të sulmojë vërtet Putin dimrin e ardhshëm?
