Ditën e nesërme do të zhvillohet një protestë në autostradën Lushnje-Fier, ku blegotrët vendas kërkojnë zgjidhje lidhur me problematikat e prodhimit të qumështit.
Sipas njoftimit qëllimi i këtij tubimi ështe problematika që po i shkaktohet fermave blegtorale lidhur me çmimin e qumështit duke sjellë rrjedhimisht falimentimin dhe shkatërrimin e këtyre fermave.
NJOFTIMI:
Në vijim të drejtave të parashikuara nga Kushtetuta e Republikës së Shqipërisë dhe ligji nr. 8773, datë 23.04.2001 “Për tubimet”, njoftojmë për zhvillimin e një tubimi urgent pranë Autostradës Lushnje-Fier, tek rrethrrotullimi Saver.
Organizimi i këtij tubimi do të zhvillohet ditën e hënë, datë 08.04.2024 n? orën 12:00 dhe përfundon ne orën 16:00. Organizatori i tubimit është Shoqata Blegtorët Prodhues te Qumështit, me adresë: Rr “Ndre Mjeda”, Pallatet “Dorado”, nr. 3/491+8-N8, Tiranë.
Për shkak të rrethanave urgente të lidhura me problematikat e prodhimit të qumështit dhe dëmit që po i shkaktohet fermave blegtorale prodhuese të qumështit, mbeshtetur në nenin 7 te ligit nr. 8773, date 23.04.2001 “Për tubimet”, njoftojme se ky tubim do të jetë urgjent.
Qëllimi i këtij tubimi ështe problematika që po i shkaktohet fermave blegtorale lidhur me çmimin e qumështit duke sjellë rrjedhimisht falimentimin dhe shkatërrimin e këtyre fermave. Situata urgente ku ndodhen sot fermat blegtorale e bën që ky tubim të jetë një nevojë urgente për zgjidhjen e situatës së krijuar. Numri i përafërt i pjesmarrësve ne tubim është rreth 100 persona, ku 5 persona do ndihmojnë mbarëvajtjen e tubimit. Personat që do të flasin në tubim janë Elton Ndoni, Indrit Reka, Gentian Lalaj dhe mund të flasin dhe anëtarë të tjerë të Shoqatës.
VAZHDO TË LEXOSH MË TEPËR PËR TEMËN
Blegtorët, të pasigurt në tregun e dominuar nga lojërat e ‘kartelit’
‘Fluturojnë’ importet e frutave dhe zarzavateve
Fermerët e Lushnjës: Nuk përfitojmë ne, por baxhot
