13.04.2024 - 09:49
Margot Robbie po bashkohet me Hasbro Entertainment për një film të ri të bazuar në lojën e famshme Monopoly.
Pasi luajti rolin kryesor në “Barbie” të nominuar për Oscar, aktorja do të prodhojë filmin e ri përmes LuckyChap në bashkëpunim me Lionsgate.
Lajmi u bë i ditur gjatë CinemaCon të këtij viti në Las Vegas. Në një deklaratë, kompania LuckyChap e quajti lojën popullore “top”.
Shefi i Lionsgate, Adam Fogelson tha se kompania është jashtëzakonisht e emocionuar për të punuar në një prodhim që ai beson se do të jetë “sukses i ardhshëm”.
