Edhe pse u kundërshtua nga banorë të zonës dhe këshilltarë të majtë e të djathtë, bashkia Roskovec duket e vendosur për t’i thënë “po” ndërtimit të Tërmocentralit në zonën bujqësore të Suk 1.
Në mbledhjen e sotme jashtë radhe të këshillit bashkiak është miratuar mes debatesh të ashpra ky investim i kundërshtuar fuqishëm nga fermerë të disa fshatrave të Roskovecit e Dimalit të cilët u ngritën në një protestë ditën e diel.
Ata e kanë cilësuar njëzëri vdekjeprurës ndërtimin e këtij termocentrali në zonën e tyre duke theksuar se prania e tij do të shkatërrojë një sipërfaqe bujqësore prej 700 ha me serra.
Në mbledhjen e mëparshme të këshillit bashkiak ky projekt ka ngjallur debate të shumta dhe është rrëzuar me shumicë kartonash nga këshilltarë të majtë e të djathtë. Në mbështetje të banorëve, ditën e sotme protestës i janë bashkuar edhe përfaqësuesit e shoqatave ambientaliste të cilët e kanë cilësuar këtë investim një bombë ekologjike.
Le të ndërtohet në Greqi, atje ku është edhe përfitimi pasi 90% e energjisë do të shkojë atje kanë thënë para banorëve ambientalisti Sazan Guri.
VAZHDO TË LEXOSH MË TEPËR PËR TEMËN
