Vitet e fundit në Shqipëri janë rritur investimet në sektorin e mbrojtjes, ku për herë të parë këtë vit janë akorduar fonde që arrijnë nivelin 2 % të Prodhimit të Brendshëm Bruto.
Brenda 10 vitesh synohet të arrihet niveli 2.8 % i Prodhimit të Brendshëm Bruto.
Plani Afatgjatë i Zhvillimit të Forcave të Armatosura 2024-2033 i cili është në përputhje me programin politik të Këshillit të Ministrave, synon investimin në disa drejtime siç janë në rinovimin e bazave ushtarake, ndërtimin e bazave të reja, investime në teknologji dhe sidomos investime të forca njerëzore.
“Kjo vjen pasi agresioni rus ndaj Ukrainës ka thyer normat dhe parimet e sovranitetit kombëtar të vendosura pas Luftës së Dytë Botërore dhe ka rikthyer luftën në Evropë. Nuk përjashtohet mundësia e një sulmi konvencional kundër vendeve aleate në NATO-s apo që kjo luftë të ketë efekt domino edhe në Ballkanin Perëndimor. Prandaj, edhe në vijimësi të rishikimit të dokumenteve të tjera strategjikë (SSK, SU) lindi nevoja e rishikimit të kapaciteteve ushtarake të nevojshme për mbrojtjen e vendit, sigurimin e qëndrueshmërisë kombëtare, si dhe kapacitetet për përmbushjen e detyrimeve në kuadër të NATO-s”, thuhet në Planin Afatgjatë të Zhvillimit të Forcave të Armatosura 2024-2033.
Thelbësore në këtë plan është zhvillimi i kapaciteteve të nevojshme të FARSH në përmbushje të misionit të tyre kushtetues, detyrimeve në kuadër të Aleancës dhe marrjes pjesë në operacione të cilat zhvillohen në kuadër të BE, OKB.
Forcat e Armatosura Shqiptare kanë në mision të tyre të sigurojnë pavarësinë, mbrojtjen e tërësisë territoriale dhe rendin kushtetues të vendit në bashkëveprim me forcat aleate, mbrojtjen dhe mbështetjen e popullsisë e të autoriteteve civile në kohë paqeje, krize e lufte, të kontribuojnë për mbrojtjen kolektive, si dhe paqen e sigurinë në rajon e më gjerë.
Në listën e investimeve është edhe ndërtimi i rrjetit kompjuterik të klasifikuar “NATO Sekret” në Forcat e Armatosura dhe ndërtimi i Kampusit të ri Universitar. Investime parashikohen edhe për krijimin e Bazës Tokësore të Mbrojtjes Ajrore si dhe përmirësimi i Sistemit të Integruar të Vëzhgimit të Hapësirës Ajrore të vendit, ku veç një radari fiks, do të investohen edhe në 2 radarë të lëvizshëm. Gjithashtu investimet parashikojnë modernizimin e Bazës Ajrore Farkë, ku përveç rinovimit që ka nisur, do të kompletohet me helikopterë Blackhawk .
VAZHDO TË LEXOSH MË TEPËR PËR TEMËN
Shkollat profesionale dhe përvoja e ngritjes së shtetit
Masat për përmbytjet, Peleshi takon kryebashkiakët e prefektët
