Për muaj të tërë, Rusia ka përdorur një flotë “fantazmë”, të përbërë nga anije të madhësive të ndryshme, për të transportuar naftë dhe armë, për të mbledhur pagesa të mëdha dhe, mbi të gjitha, për të anashkaluar sanksionet perëndimore.
Në qendër të vëmendjes është specifikisht Sparta IV, një anije mallrash me flamur rus që peshon 8,870 tonë, e monitoruar disa herë midis Sirisë, enklavës evropiane të Kremlinit, Kaliningradit dhe Rusisë.
Qëllimi i tij? Neutralizimi i efekteve të sistemit të sanksioneve të nisura nga Perëndimi.
Në përgjithësi, Vladimir Putin mbështetet në një seri anijesh të afta për të lëvizur ngarkesa kritike nëpër Mesdhe pa u zbuluar. Pak javë më parë gazeta britanike “The Times” shkroi se Rusia po miraton dy mënyra për të fshehur flotën e saj të anijeve nga radarët e armikut.
Nga njëra anë, në fakt, Moska manipulon sinjalet e Sistemit të Identifikimit Automatik (AIS) të transmetuara nga anijet për të ndryshuar pozicionin ose identitetin e tyre. Nga ana tjetër bllokon sinjalet GPS për të maskuar lëvizjet e vetë anijeve.
Në të dyja rastet rezultati është identik: qindra “anije fantazmë” të Putinit mund të kalojnë tranzit në zonat strategjike detare duke tregtuar armë dhe naftë dhe duke lejuar Moskën të anashkalojë sanksionet perëndimore.
Tetorin e kaluar, një dokument i botuar nga Kolegji i Mbrojtjes i NATO-s zbuloi se Moska po përdorte një flotë anijesh moderne të afta për të lëvizur ngarkesa kritike pa zbulim përmes ngushticave të kontrolluara nga Turqia që kufizojnë hyrjen në Detin e Zi.
Në muajt e fundit anijet e ngarkesave të Kremlinit kanë udhëtuar nga baza ruse e vendosur në portin sirian të Tartus dhe objektet ushtarake në Novorossiysk.
