Vuçiç është një rrezik për Ballkanin Perëndimor dhe nuk dëshiron që rajoni të përparojë drejt perëndimit. Kështu ka deklaruar Ivana Stradner, këshilltare shkencore e Fondacionit për Mbrojtjen e Demokracisë nga Uashingtoni.
Kjo deklaratë ka ardhur pas protestave në Podgoricë me rastin e votimit të rezolutës, ku sipas saj edhe pse ishte numër i ulët protestuesish, mesazhet që u dërguan ishin shumë të forta.
Ajo shtoi se çelësi i politikës dhe aktiviteteve hibride të Vuçiçit në rajon është “Përça dhe sundo”.
“Arsyeja e luftës hibride që po kryhet në Mal të Zi nga Beogradi, i ndihmuar nga Moska është që të bëhet gjithçka që është e mundur që një vend i NATO-s që ishte afër Bashkimit Evropian të mos bëhet pjesë e saj. Atë që e kemi parë me vite në Mal të Zi, për fat të keq do të kemi mundësi ta shohim edhe në Maqedoninë e Veriut, një vend tjetër i NATO që gjithashtu ka ambicie ndaj Bashkimit Evropian.
U përmendën Rusia, Serbia dhe e gjithë kjo është pjesë e distancimit të mëtejshëm të Malit të Zi nga Perëndimi, dhe vetë rezoluta përdoret pikërisht për ta vendosur nacionalizmin në një nivel më të lartë dhe e gjithë kjo gjithashtu ka një rol shumë më të madh.
Dhe pikërisht atëherë, ashtu si në Beograd, siç janë ato grupet e djathta, që presidenti Vuçiç mund të thotë gjithmonë se nuk jam më i keqi, alternativa është gjithmonë më e keqe, fatkeqësisht, një situatë të tillë e shoh në Mal të Zi, ku edhe Beogradi e përdor për momentet e saj gjeopolitike për të thënë, mirë, ndoshta Serbia nuk është gati, por shikoni se çfarë po ndodh edhe në Mal të Zi.”
