“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Gjatësia e njeriut zvogëlohet me kalimin e moshës?
Mjeku:Pothuajse të gjithë tkurren me kalimin e kohës dhe shumica nuk e kuptojnë atë.
A e dini sa i gjatë jeni? 1,60, 1,70 apo 1,75 ? Studiuesit pyetën më shumë se 8500 gra mbi 60 vjec mbi gjatësinë e tyre, dhe më pas i matën ato. Mesatarisht gratë e mbivlerësuan lartësinë e tyre me 2,5 cm më shumë se c’ishin në realitet, dmth ishin bërë 2,5 cm më të shkurtra se lartësia e tyre e regjistruar në kohën e rinisë.
Pothuajse të gjithë zvogëlohen kur plaken. Arsyeja ka të bëjë me shtyllën kurrizore. Jastëku që rrethon shtyllën kurrizore dehidratohet ndërsa plakeni. Shpina gjithashtu mund të lakohet ose të shembet, gjë që mund të çojë në përkulje, madje edhe harqet e këmbëve tuaja mund të rrafshohen, duke shkaktuar një shtat të shkurtër. Çdo dekadë pas moshës 40 vjeç, personi mesatarisht humbet 1,2-1,5 cm në lartësi. Kjo përshpejtohet pas moshës 70 vjeç.
Megjithatë, ekzistojnë mënyra për ta ngadalësuar këtë proces.
Ushqimi me një dietë më të shëndetshme ndihmon. Në mënyrë të veçantë, ngrënia e një diete të pasur me fruta, perime, drithëra, dhe jo shumë yndyrë të pashëndetshme ka qenë e shoqëruar me më pak tkurrje ndërsa plakeni. Shmangia e duhanit dhe kufizimi i alkoolit ndihmon gjithashtu, sikurse berja rregullisht e shumë ushtrimeve ndikon pozitivisht.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
