MENU
klinika

Haga urdhëron ndalimin e ofensivës në Rafah

Izraeli merr goditjen e dytë brenda pak ditësh

25.05.2024 - 11:11

Gjykata Ndërkombëtare e Drejtësisë vendosi se Izraeli duhet të ndalojë menjëherë ofensivën e tij ushtarake dhe veprimet e tjera në Rafah, duke përmendur ‘rrezikun e afërt’ për popullin palestinez.Kryetari aktual i gjykatës, gjyqtari Nawaf Salam, drejtoi seancën e djeshëm. Ai shpjegoi historikun e rastit. Ai thotë se fillimisht gjykata duhet të konstatojë nëse ka pasur ndryshim të situatës që nga vendimi i gjykatës i 28 marsit të këtij viti. Ai deklaroi se gjykata ‘me keqardhje vuri në dukje se kushtet katastrofike të jetesës së njerëzve në Rripin e Gazës janë përkeqësuar më tej’ pas vendimit të fundit të gjykatës më 28 mars të këtij viti, dhe privimi i zgjatur dhe i përhapur i ushqimit krijon një problem të veçantë.Ai citoi gjithashtu zyrtarë të ndryshëm të OKB-së, të cilët theksuan vazhdimisht rreziqet e një ofensive ushtarake atje. Këto rreziqe tani kanë filluar të materializohen dhe do të intensifikohen nëse ofensiva vazhdon, tha ai. Ligjvënësit e Afrikës së Jugut i kërkuan gjykatës javën e kaluar masën emergjente, duke thënë se sulmet izraelite në qytetin jugor të Gazës “duhet të ndalen”. Vendimet e Gjykatës Ndërkombëtare të Drejtësisë (GJND), e njohur gjithashtu si Gjykata Botërore, janë përfundimtare dhe detyruese, por janë injoruar në të kaluarën. Izraeli i ka hedhur poshtë vazhdimisht akuzat për gjenocid si të pabaza. Ai pretendoi në gjykatë se operacionet në Gaza ishin vetëmbrojtje dhe kishin për qëllim militantët e Hamasit që sulmuan Izraelin më 7 tetor të vitit të kaluar. Një zëdhënës tha se “asnjë fuqi në Tokë nuk do ta ndalojë Izraelin, të mbrojë qytetarët e ti”. Vendimi mund të rrisë presionin diplomatik mbi qeverinë.

Si pritet të ndryshojë situata deri në 30 qershor

Macron ende në rrezik, sondazhet “fundosin” presidentin francez

“Erëra ndryshimesh” po fryjnë në Bruksel

Meloni ka prishur planet e “të mëdhenjve” në BE

Ushtarë përtej kufirit dhe të shtëna armësh

Tensione të reja mes dy Koreve, pse Pheniani po provokon Seulin

“Në bisedime të përfshihet dhe Ukraina“

Rusia dialog me SHBA-në? Kremlini i prerë për kushtet e saj

"Muri blu” që mund t’i sigurojë fitoren presidentit

Përmbysen sondazhet, Biden kalon në epërsi ndaj Trump