Gati katër vjet pas dënimit të tij me akuzën e drejtimit të një organizate kriminale me 13 vjet e 6 muaj burg, lideri i Agimit të Artë, Nikos Michaloliakos, lirohet me me kusht nga burgu, sipas një vendimi të Bordit Penal të gjykatës së Lamias.
Ky zhvillim vjen pasi Nikos Michaloliakos ka plotësuar 3/5 e dënimit të vendosur ndaj tij nga Gjykata e Apelit Penal.
Sipas urdhër lirimit Michaloliakos ndalohet të largohet nga prefektura e Attikës, të paraqitet një herë në muaj në drejtorinë e policisës së lagjes ku ai banon dhe të mos shoqërohet me të bashkëakuzuarit për çështjen penale konkrete për të cilën u burgos.
Nga ana e saj prokuroria, ndonëse mbështeti qëndrimin se Nikos Michaloliakos plotësonte në mënyrë tipike kushtet e ligjit për t’u liruar nga burgu, u shpreh në mënyrë absolute kundër lirimit të tij, pasi, siç theksohet në propozimin e saj , “ekzistojnë kushte thelbësore për të cilat ish. lideri i organizatës neonaziste Agimi i Artë, nuk duhet të lirohet”.
Ai ka propozuar rrëzimin e kërkesës së gjykatës , duke vlerësuar mungesën e pendimit të liderit Michaloliakos dhe anën e tij morale, pasi përmes deklaratave të tij shfaqet i papenduar dhe thotë se është i burgosur në kuadër të persekutimit politik dhe shpifjeve.
Por , Këshilli Gjyqësor që shqyrtoi kërkesën vlerëson pozitivisht sjelljen e tij, hedh poshtë nenin si tregues të kryerjes së akteve të reja të paligjshme , pranon kërkesën dhe urdhëron lirimin me kusht, duke vendosur kushtet kufizuese të mësipërme.
Kundër aktvendimit që gjykon dhënien e përjashtimit me kusht, lejohet ankimim nga ana e prokurorit publik.
