Drejtori i Policisë së Shkodrës, Edmond Sulaj u pyet nga gazetarët në lidhje me dy ngjarje të ndodhura në këtë qytet dhe që ende nuk janë të zbardhura. Bëhet fjalë për tragjedinë në familjen Arrazi, ku nëna Alma së bashku me tre fëmijët e mitur u mbyt në lumin Buna, por edhe për tritolin e vendosur pak javë më parë në banesën e gjyqtarit Tonin Sterkaj.
Sulaj tha se të dyja ngjarjet janë të rënda. Hetimet vazhdojnë, ndërsa theksoi se është ende herët për të folur për rezultatet, por u shpreh se Policia e Shkodrës i ka kapacitetet për të hetuar ngjarje të tilla.
“Në këtë ngjarje kemi qenë shumë transparent. Sa i takon të rejave le të lemë grupin hetimor që të vazhdojë hetimet”, tha Sulaj për rastin në familjes Arrazi.
Ndërsa për tritolin në banesën e gjyqtarit Tonin Sterkaj, drejtori i policisë tha: “Po punojnë intesivisht. Është herët për të folur për rezultate konkrete, drejtoria e policisë Shkodër i ka kapacitetet profesionale për të hetuar ngjarje të tilla”
VAZHDO TË LEXOSH MË TEPËR PËR TEMËN
Dorë për dore, momentet e fundit të Alma Arrazit me 3 fëmijët e saj!
Balla kërkon ndihmën e Malit të Zi për gjetjen e trupave të nënës dhe dy fëmijëve
