“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Mungesa e kujt vitamine shkakton depresion?
Mjeku:Studiuesit nga Studimi Longitudinal i Plakjes në Irlandë (TILDA) kanë publikuar një studim të ri që shqyrton lidhjen midis statusit të acidit folik dhe vitaminës B12 dhe lidhjen e tij me një prevalencë më të lartë të simptomave depresive te grupi i të moshuarve.
Studimi tregon se niveli i ulët i vitaminës B12 lidhet me simptomat e depresionit, por gjithashtu tregon se acidi folik nuk lidhet me depresionin.
Gjetjet zbulojnë informacione të rëndësishme për të moshuarit, shëndetin publik dhe politikë-bërësit për të kuptuar më mirë se si të identifikojnë rrezikun dhe të miratojnë masa mbrojtëse për të përmirësuar rezultatet shëndetësore për njerëzit mbi 50-vjeç.
Studimi përfshiu njerëz mbi 50-vjeç, nivelet e folatit dhe vitaminës B12 të të cilëve u matën gjatë katër vjetëve dhe u testuan për depresion.
Njerëzit me nivele të ulëta të B12 janë zbuluar se kanë një rrezik 51 për qind më të lartë për të zhvilluar simptoma depresive brenda katër vjetësh, por një lidhje e tillë nuk është vërejtur te njerëzit me mungesë folate.Është e qartë se rritja e marrjes së kësaj vitamine ose suplementi mund të shmangë shumë raste të depresionit te të moshuarit dhe pasojat që ai sjell.
Profesoresha Rose Ann Kenny, një studiuese kryesore në TILDA, tha se “avantazhi kryesor i këtij studimi është se ai bazohet në një mostër të madhe, përfaqësues kombëtar të të moshuarve në Irlandë, të vëzhguar gjatë katër vjetëve”. /TILDA
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
