Analisti Kreshnik Spahiu ka komentuar votën e diasporës, ndërsa ka theksuar se është pro.
Spahiu theksoi se ligji për votën e emigrantëve duhet të miratohet në formën me teknologjinë më të lartë në mënyrë që të mos ketë manipulime.
“E kam studiuar me vite çështjen e votës së emigrantëve. Këto iniciativa janë të mrekullueshme. Di të them se nëse e drejta kushtetuese e emigrantëve nuk realizohet në formën logjistike siç duhet, ajo mund të jetë me e manipulueshme. Shqiptarët duhet të kuptojnë se nëse vota sot në mes të Tiranës manipulohet, të jeni të bindur që ajo është më lehtësisht e manipulueshme në Romë apo në Londër. Vota e emigrantëve duhet, o duhet miratuar në formën me teknologjinë më të lartë për të shmangur manipulimin”, tha Spahiu për Euroneës.
Analisti propozoi që diaspora të ketë deputetët e saj dhe qendrat e veta të votimit.
“Diaspora duhet të jetë një zonë elektorale ku të prodhojë deputetët e vet dhe të ketë qendra votimi, ku të ketë komisionerë”, u shpreh Spahiu.
