MENU
klinika

Ja çfarë fshihet pas lëvizjes së Moskës

Rusia heq talebanët nga lista e organizatave terroriste

28.05.2024 - 10:50

Më shumë se tre vjet e gjysmë pas kthimit të tyre në pushtet në Afganistan, talebanët do të hiqen nga “lista e organizatave terroriste” e qeverisë ruse.

Këtë e ka bërë të ditur ministri i Jashtëm rus Sergei Lavrov.

“Kazakistani së fundmi mori një vendim, të cilin do ta marrim gjithashtu, për t’i hequr nga lista e organizatave terroriste,” tha ai për agjencinë e lajmeve Ria Novosti.

Talebanët janë në listën e organizatave terroriste në Rusi që nga viti 2003, por Moska ka pasur marrëdhënie me ta prej disa vitesh dhe ka marrë tashmë emisarët e tyre në territorin e saj.Që nga kthimi në pushtet, talebanët kanë marrë një vëmendje nga Moska në këmbim të premtimeve për të mos lejuar organizata më radikale të vendosen në zonë.

Kreu i shërbimeve ruse të sigurisë, Alexander Bortnikov, gjithashtu kohët e fundit tha se ishte i sigurt se “talebanët do të jenë në gjendje të rregullojnë shtëpinë e tyre, nëse aktorët e jashtëm nuk e pengojnë atë”.

Autoritetet ruse janë veçanërisht të shqetësuara për sigurinë e ish-republikave sovjetike të Azisë Qendrore në kufi me Afganistanin dhe shfaqjen e grupeve të reja xhihadiste të frymëzuara ose të mbështetura nga talebanët.

Kremlini gjithashtu dëshiron të shmangë një fluks refugjatësh dhe shpërthimin e trafikut të opiumit dhe heroinës. Rusia ftoi gjithashtu përfaqësuesit e talebanëve për të marrë pjesë në Forumin Ekonomik të Shën Petersburgut.

Në të kaluarën, Rusia ishte akuzuar nga Perëndimi për mbështetjen e talebanëve dhe përpjekjet për të destabilizuar administratën pro-amerikane afgane në atë kohë.

Në vitin 2018, kreu i ushtrisë amerikane në Afganistan akuzoi Moskën për furnizim me armë për talebanët, një akuzë që u mohua plotësisht.

Si pritet të ndryshojë situata deri në 30 qershor

Macron ende në rrezik, sondazhet “fundosin” presidentin francez

“Erëra ndryshimesh” po fryjnë në Bruksel

Meloni ka prishur planet e “të mëdhenjve” në BE

Ushtarë përtej kufirit dhe të shtëna armësh

Tensione të reja mes dy Koreve, pse Pheniani po provokon Seulin

“Në bisedime të përfshihet dhe Ukraina“

Rusia dialog me SHBA-në? Kremlini i prerë për kushtet e saj

"Muri blu” që mund t’i sigurojë fitoren presidentit

Përmbysen sondazhet, Biden kalon në epërsi ndaj Trump