Të dalësh nga Champion në atë formë, me një humbje me përmbysje, por mbi të gjitha pas një episodi të pastër për moviolë, nuk harrohet lehtë në shtëpinë e Bayern Munich, vijon të bëjë shumë zhurmë, në Gjermani, por jo vetëm. Në qendër të kritikave mbetet gjyqtari i takimit, polaku Marciniak, i cili në minutën e 104, kundër çdo rregulloreje, vendosi të ndalojë lojën përpara se De Ligt të dërgonte topin në rrjetë.
Reagimi i Bayern ishte i fuqishëm, edhe i mediave duke e konsideruar një skandal. Përballë një situatë të tillë nuk mund të qëndronte në heshtje as UEFA e cila pritet të marrë një vendin drastik ndaj gjyqtarit polak. Sipas mediave, UEFA ka vendosur të lë jashtë “Euro2024” arbitrin polak.
E sigurt është që Marciniak nuk do të arbitrojë ndeshjen e parë hapëse të Evropianit, Gjermani-Skoci, ndeshje e cila është në program për t’u zhvilluar më 14 qershor në “Allianz Arena”, në shtëpinë e Bayern Munich. Kjo ndeshje i ishte besuar polakut, por tani mund ta shoh vetëm nga televizioni.
